18 мая ў Мастацкай галерэі прайшлі мерапрыемствы, прысвечаныя міжнароднай Ночы музеяў.
З 1997 года такая культурная акцыя праводзіцца па ўсім свеце. У ёй удзельнічаюць музеі, тэатры, Выставачныя комплексы і іншыя пляцоўкі. Яны працуюць да позняй ночы.
Мастацкая галерэя падрыхтавала для наведвальнікаў даволі насычаную праграму.
У рамках свята прайшоў майстар-клас па японскім жывапісе сумі-э ад Рымы Карачан, на якім кожны жадаючы змог паспрабаваць сябе ў якасці мастака і авалодаць прыёмамі гэтага віду мастацтва.
Таксама быў арганізаваны перформанс «Музеі Полацка запращаюць» з удзелам коннага клуба «У Кузі на ранча». Коннікі праехалі праспекту Францыска Скарыны, запрашаючы жыхароў і гасцей горада наведаць музеі Полацка. А на пляцоўцы каля Мастацкай галерэі жадаючыя фатаграфаваліся з коньмі і каталіся верхам.
Чароўныя гукі аргана, флейты і інструментальнага ансамбля «Festivo» ахуталі залы галерэі падчас канцэрта Полацкай дзіцячай школы мастацтваў «Музычныя замалёўкі». Канцэрт напоўніў музей атмасферай свята і падарыў незабыўныя эмоцыі гледачам.
Немагчыма было прайсці і міма выставы-продажу акварэляў Фелікса Гумена. Яркія кветкавыя кампазіцыі не пакінулі наведвальнікаў абыякавымі, кожны змог знайсці сабе нешта па душы.
Святочную праграму Ночы музеяў у Мастацкай галерэі завяршыў канцэрт «Гукі і фарбы» (раяль — Ксенія Пагарэлая, скрыпка — Вікторыя Бабенка). Спалучэнне гукаў велічнага раяля і пяшчотнай скрыпкі напоўніла залы музея вясновым настроем, цяплом , любоўю і прыгажосцю.
